[客戶訂車] 2009 Honda Freed G 1.5

今次訂車分享嘅主角係住係大嶼山禁區內嘅蕭生，相信大家聽到呢個地方都知道如果無車出入基本上就係寸步難行。蕭生同太太一直都有留意到我地有提供日本代拍汽車服務，所以就主動聯絡我地了解詳情，希望拎多啲資料去作出預算。

由於大嶼山禁區內道路多彎且狹窄，蕭生一早就將車型定左係市場上大熱賣嘅本田Freed 1.5，貪佢油耗低之餘亦不失空間感。對於車型要求，蕭生偏向實際啲，外邊唔需要一定有改裝，但必需要求高質並且要有雙電門。只要有充足預算，高質素嘅車盤其實唔難搵，反而係前期版本嘅雙電門比較難搵。好彩蕭生本身都識日文，變相同我地顧問一齊搵車時就會易溝通。當確定好車盤後，我地建議以一個比較進取嘅價錢去拍賣場bid其中一部車，最後我地成功以一擊即中形式幫準車主買到一部4.5分嘅2009雙電門Freed。上船前由我地日本同事先拍攝幾張車相比蕭生過目:

市場上面Freed係非常熱賣，車盤多到令人花多眼亂。由其是Freed本身車底容易出現生鏽同埋波箱異響，如果係本地二手市場買一下唔小心隨時就會中伏，呢個就係當初蕭生寧願一手一腳自己親身挑選，托我地幫佢買車，由日本運車返香港同出牌，比起係本地市場買可能要花多好多時間，但通常托我地海外買車都係打算長揸嘅客人，寧願花多一、兩個月時間知道部車咩料子，好過盲鐘鐘咁買一部唔清唔楚嘅車，當腳車嘅人可能無咩所謂，但愛車如命嘅人會點揀?